Të shtunën ndërprerje të ujit në disa lagje të Prishtinës, ja arsyeja

15:04 | 15 Qershor 2017
Arbresh.info

Kompania Rajonale Ujësjellësit “Prishtina” sh.a. njofton të gjithë konsumatorët se gjatë ditës së shtunë do të ketë punime teknike në rrugën Rexhep Mala ku do të bëhet realizimi i kycjeve në linjën e re në magjistralen e gypit furnizues Fi-450 mm.

Për shkak të këtyre punimeve do të ketë ndërprerje të furnizimit me ujë të pijshëm të Shtunën që nga ora 04:00 – 19:00 në rrugen Agim Ramadani, lagjen Ulpiana, lagjen e Muhagjereve, Dardania (objektet e mëdha afër Postës dhe Termokosit) dhe një pjesë të lagjes së Spitalit.

Këto punime janë duke u bërë në kuadër të projekteve investive nga KRU “Prishtina”sh.a me qëllim të ngritjes së kapaciteteve që ka.

KRU “Prishtina” sh.a. vazhdon të jetë e përkushtuar maksimalisht në ofrimin dhe përmirësimin e shërbimeve tona, andaj kërkojmë mirëkuptim nga të gjithë konsumatorët tanë./arbresh.info/